Календарь март

Тропарь преподобномученикам Феодору и Василию Печерским, в Ближних пещерах,
глас 1

Союзом любве связавшеся, преподобнии,/ всяк союз козней вражиих попрасте,/ страдание же и смерть неповинне/ от сребролюбиваго князя претерпесте добле,/ тем молим вас, вкупе поживших/ и венцы мучения приемших,/ молитеся Господеви о нас,/ яко да во мнозей любви, вере и надежди добре поживше,/ всегда ублажаем вас,// Феодоре и Василие добропобеднии.

преставление прп. Феодора Санаксарского

19.02/4.03 (3.03 в високосный год)

Тропарь дня

Тропарь преподобному Феодору Санаксарскому,
глас 4

От юности твоея сынове Христа возлюбил еси, и токмо Господеви служити восхотев, благую часть избрал еси, яже не исхищается смертию. Единому на потребу себе предав и Жизни Подателю, от Него же сподобился еси даров божественнаго учительства и духовнаго разсуждения, окормляя всех прибегающих к тебе и ищущих души спасение, богомудре старче Санаксарский Феодоре.

Прп. Агафона Печерского

Икона с частицами мощей Киево-Печерских святых

20.02/5.03 (4.03 в високосный год)

Тропарь дня

Тропарь преподобного Агафона Печерского, в Дальних пещерах
глас 8

Блага Небесная ради дел твоих стяжавый,/ благости тезоимените, Агафоне,/ моли Благаго Господа, молим тя тепле,/ яко да не лишит нас вечных благ Своих.

– память св. мученика Маврикия Апамейского
– Мч. Регины Гальской

22.02/7.03 (6.03 в високосный год)

Блж. Матроны Московской (обретение мощей)

23.02/8.03

старый стиль
23.02

Тропарь дня

Тропарь блаженной Матроны Московской
глас 4

Земли Тульския прозябение, / града Москвы ангелоподобная воительнице / блаженная старице Матроно. / От рождения в слепоте телесней до конца своих дней пребывшая. / Но от Бога щедро духовное зрение приявшая, / прозорливице и молитвеннице. / Наипаче дар исцеления болезней стяжавшая. / Помогай всем с верою к тебе притекающим и просящим в болезнех душевных и телесных, / радосте наша.

– Первое и второе обретение главы Иоанна Предтечи
– Прп. Еразма Печерского

24.02/9.03

Тропарь дня

Тропарь Предтечи
глас 4

От земли возсиявши, Предтечева глава/ лучи испущает нетления верным исцелений,/ свыше собирает множество Ангел,/ доле же созывает человеческий род// единогласную возсылати славу Христу Богу.

Тропарь преподобного Еразма Печерского, в Ближних пещерах
глас 4

Благолепие дому Господня любя,/ расточил еси нещадно имение твое во украшение того,/ преподобне Еразме,/ тем ныне живя в дому Господни на Небеси,/ моли и нам освятитися в жилище Господне.

преставление архимандрита Кирилла (Начиса)

25.02/10.03

Прп. Тита, пресвитера Печерского

Икона с частицами мощей Киево-Печерских святых

27.02/12.03

Тропарь дня

Тропарь преподобного Тита, пресвитера Печерского, в Ближних пещерах
глас 1

Братолюбне тя живуща видев любве ненавистник,/ победил тя во гнев,/ но, ведый твоя прежния труды любве источник - Господь,/ преложи тя паки на братолюбие,/ в немже ты прочее пожив Богоугодне,/ молися о нас, яко да поживем братолюбне.

Иконы Божией Матери «Державная» - престольный праздник обители

2.03/15.03

Тропарь дня

Тропарь Божией Матери пред иконой Ее Державной
глас 4

Града Сионска взыскующе,/ под Твой покров, Дева Чистая, днесь притекаем,/ и никтоже возможет на ны,/ яко несть град силен, аще не Сущаго Бога,/ и несть ина крепость, аще не милость Владычицы Девы.

Обретение мощей свт. Луки исп., архиеп. Симферопольского (05.03.1996)

5.03/18.03

Тропарь дня

Тропарь Луке (Воино-Ясенецкому), архиеп. Крымскому, исп.

Возвестителю пути спасительного, /исповедниче и архипастырю Крымския земли, /истинный хранителю отеческих преданий, /столпе непоколебимый, Православия наставниче, /врачу богомудрый, святителю Луко, /Христа Спаса непрестанно моли /веру непоколебиму православным даровати /и спасение, и велию милость.

иконы Божией Матери «Благодатное Небо»

6.03/19.03

Тропарь дня

Тропарь Божией Матери пред иконой Ее Благодатное небо
глас 6

Что Тя наречем, о Благодатная?/ Небо - яко возсияла еси Солнце Правды;/ рай - яко прозябла еси Цвет нетления;/ Деву - яко пребыла еси нетленна;/ Чистую Матерь - яко имела еси на святых Твоих объятиях Сына, всех Бога./ Того моли спастися душам нашим.

Иконы Божией Матери «Знамение» Курско-Коренной

8.03/21.03

Тропарь дня

Тропарь Божией Матери пред иконой Ее Знамение
глас 4

Яко необоримую стену и источник чудес/ стяжавше Тя раби Твои,/ Богородице пречистая,/ сопротивных ополчения низлагаем./ Темже молим Тя:/ мир граду Твоему даруй/ и душам нашим велию милость.

40 мчч. Севастийских

9.03/22.03

Тропарь дня

Тропарь 40 мучеников, в Севастийском озере мучившихся
глас 1

Болезньми святых, имиже о Тебе пострадаша,/ умолен буди, Господи,/ и вся наша болезни исцели,/ Человеколюбие, молимся.

Прп. Венеди́кта Нурсийского

14.03/27.03

- Свт. Григория Паламы
- Прп. Никандра Городноезерского

15.03/28.03

Тропарь дня

Тропарь Григория Паламы, архиепископа Фессалонитского
глас 8

Православия наставниче, святителем украшение,/ Богословцем поборниче непобедимый, Григорие чудотворче,/ Солуню великая похвало, проповедниче благодати,/ моли Христа Бога спастися душам нашим.

- преставление прп. Макария Калязинского
- прп. Алексия, человека Божия

17.03/30.03

Тропарь дня

Тропарь преподобного Макария, игум. Калязинского, чудотворца
глас 8

Плотская мудрования, отче Макарие,/ воздержанием и бдением умертвил еси,/ место бо, на немже поты твоя излиял еси,/ яко труба, вопиет к Богу,/ поведающи твоя исправления,/ и по смерти честныя твоя мощи источают исцеления./ Темже вопием ти:/ моли Христа Бога, да спасет души наша.

Тропарь преподобного Алексия, человека Божия
глас 4

Возвысився на добродетель и ум очистив,/ к Желанному и Крайнему достигл еси,/ безстрастием же украсив житие твое,/ и пощение изрядное восприим совестию чистою,/ в молитвах яко безплотен пребывая,/ возсиял еси яко солнце в мире,/ преблаженне Алексие.

Февраль

Апрель